القائمة الرئيسية

الصفحات

كتب حسن الاشامي لاعب المقاولون العرب علي حسابه فيس بوك  علي حادث وفاة لاعب مركز شباب القنايات عبده عاطف 




حسن الشامي لاعب نادي المقاولون العرب







لاعب القنايات عبده عاطف

 توفي لاعب القنايات عبده عاطف حيث توفي الاعب في الملعب في حادث ببلع اللسان 





لاعب القنايات عبده عاطف









تعليق لاعب نادي المقاولون حسن الشامي علي وفاة لاعب القنايات عبده عاطف



إنا لله وإنا إليه راجعون
ربنا يرحمك ويغفرلك ويصبر أهلك
نفس المشاهد الكارثيه بتتكرر وبيدفع الثمن الناس ال مالهاش صوت ال صوتها مش مسموع اللاعيبه ال بالبلدي كدا بنقول عليهم لاعيبه غلابه والحمد لله كان ليا الشرف اني اكون واحد منهم عشان مريت بكل التجارب والظروف الصعبه ال مر بيها كل لاعبي الدرجات الرابعه والثالثه والثانيه
وعارف كم المعاناه ال بيعانيها هؤلاء اللاعبين
يعني مافيش حاجه إسمها كشف طبي ومافيش طبيب للفريق ومافيش لا إهتمام بأكل ولا صحه ولا حتى تعليم كرة بشكل صحيح يعني من الآخر معاك ربنا وإعتمد على نفسك
انا واحد من الناس ال عاشت مشاكل حقيقيه مع عدد كبير جدا من هؤلاء اللاعبين وخرجت في الإعلام واتكلمت عن مشاكلهم سواء مشاكل عامه أو مشاكل شخصيه ومنهم
أحد لاعبي الحديد والصلب رحمة الله عليه وتواصلت مع أهله وتواصلت مع عدد كبير جدا من المسؤولين ولكن للأسف لاعب غلبان واللقطه مش هاتبقى مظبوطه ومش حلوه ومش هاتجيب همها ووجع دماغ على الفاضي وفي الآخر ولا حد حس بحاجه
وعلى حمود لاعب كفر الشيخ ال كان عنده نفس مرض مؤمن زكريا ربنا يشفيه
والنتيجه هي هي
ماتحاولش كلمتين في كام برنامج لكام إعلامي عايز ياخد اللقطه وشكراً
والنتيجه الله يرحمه ويغفرله وده قدره
ونمسك في القضاء والقدر بإيدينا ونتبت فيه أوي
كلنا مؤمنين بالقضاء والقدر
لكن ربنا سبحانه وتعالى علمنا ازاي ناخد بالأسباب ولكل نجاح أو فشل سبب ولكل موت وحياه سبب
وربنا قال في كتابه الكريم
بسم الله الرحمن الرحيم
(مِنْ أَجْلِ ذَٰلِكَ كَتَبْنَا عَلَىٰ بَنِىٓ إِسْرَٰٓءِيلَ أَنَّهُۥ مَن قَتَلَ نَفْسًۢا بِغَيْرِ نَفْسٍ أَوْ فَسَادٍۢ فِى ٱلْأَرْضِ فَكَأَنَّمَا قَتَلَ ٱلنَّاسَ جَمِيعًا وَمَنْ أَحْيَاهَا فَكَأَنَّمَآ أَحْيَا ٱلنَّاسَ جَمِيعًا ۚ )
صدق الله العظيم
يعني من الآخر المشهد دا هايتكرر تاني وعاشر ومليون
بس هايتكرر مع اللاعيبه الغلابه وبس ال مالهمش ضهر
وهايقتصر الأمر على كلمتين من كل الإخوه الإعلاميين الأفاضل وبعد يومين الملف دا هايتقفل زي ال قابله
وفي النهايه نقول الله يرحمه قضاء وقدر
لكن نقول إهمال من أكبر مسؤول لأصغر مسؤول لا مايصحش
المسؤولين هايعملوا إيه هايلفوا عليهم في بيوتهم عشان يهتموا بيهم
لا والله مش عايزين كدا
عايزين بس تراعوا ربنا في عملكم يعني ال بيطبق في اول كل موسم على لاعبي الدوري الممتاز يطبق على جميع الرياضات بمختلف درجاتها ودا أبسط حقوقهم
وفي النهايه كلنا هنتحاسب انا وانت وكل إعلامي وكل مسؤول وكل واحد له صوت حق ومسموع وبيكتمه عشان مايتغضبش عليه من المسؤولين
إنا لله وإنا إليه راجعون
(عبده عاطف ) في ذمة الله

تعليقات